Sólin hefur fundið leið sína aftur að hjarta mínu og boðað betri tíð með blóm í huga (ekki haga þar sem að það er haust). Flutningum mínum milli íbúða er nú formlega lokið....að koma öllum þeim aragrúa af drasli sem ég á fyrir er hins vegar ekki lokið. Hef þurft að henda ýmsum verðmætum pappírum og hlutum sem ekki var pláss fyrir lengur. Í rauninni þyrfti ég að búa í fjögurra herbergja íbúða a.m.k. til þess að líða fullkomlega vel - sem að mér líður þegar ég hef nóg pláss fyrir dótið mitt. En þröngt mega sáttir sitja og Villi minn búa. Honum hefur nú þegar verið tilkynnt að réttur hans til þess að eignast meira dót sé enginn - annars er ekki pláss fyrir mitt!!
Ég mun væntanlega bjóða til veislu svona þegar allt er komið á sinn stað og farið að hægjast um í skólanum.......takið þið því frá einhverja helgina í lok maí 2005 þá er nokkuð víst að það verði minna að gera!!

Annars hef ég alls engan tíma til þess að vera að hanga hérna í Odda á föstudegi í upplýsingaskrif nema í helstu upplýsingar og hér koma þær:

1. Verð í vísindaferð í dag og enda á Pravda um áttaleytið
2. Verð í stúlknakokteilboði hjá Ingu og Höllu afmælisbörnum á morgun
3. Verð í skírnarveislu hjá Brynju Hrönn á sunnudaginn
4. Ástæðan fyrir því að ég hef ekki hringt í ykkur síðustu marga marga marga daga er sú að ég á ekki peninga fyrir símanum. This has not been a statement of any kind. En þið sem eigið frelsi eða eruð jafnvel í reikning og getið borgað hann - endilega hafið samband.....og ef ég svara ekki ...reynið bara aftur. ATH. ekki þýðir að búast við svar- smsi heldur af áðurgreindum ástæðum.
5. ENdilega látið mig vita ef þið verðið í bænum í kvöld.

Heman is Theman