Ég mætti í tíma í morgun.....og enn og aftur var alveg hundleiðinlegt en ég varð að mæta. Komst nefninlega að því í gær að þeir sem ekki ná 80% mætingu verða að gera aukaverkefni....meira að segja kannski fleira en eitt! Já það er ekki eins og maður hafi mikið að gera - hvað er eitt verkefni til eða frá þegar maður á eftir að 6 verkefni, ritgerð, rannsóknarskýrslu og halda fyrirlestur þegar heil vika er eftir af skólanum?

Lóa er orðin forfallinn pictonary-isti eftir eitt sigurkvöld hér um daginn...hún þrýsti því mjög á að annað slíkt kvöld yrði haldið. Það kvöld var í gær en Lóa er ekki lengur sigurvegarinn - heldur ég af því að ég er svo hugmyndarík og giskugóð og tala nú ekki um einstaklega drátthög kona - hmmmm drátthög það er nú hægt að nota yfir eitthvað annað líka......hehe.....

Dagurinn í dag er dagur síðustu vísindaferðar annarinnar - félagsráðgjafanemar munu flykkjast í höfuðstöðvar Baugs síðar í dag, hlusta á vonandi skemmtilegan fyrirlestur og njóta þeirra veiga sem boðið verður upp á....síðan er Pravda á dagskránni með idol á skjánum -- ég ætla að gefa mér líf fram að miðnætti....gruna að eftir það fari heilsan hallandi mjög.....það gerist alltaf ef ég reyni að drekka sjálfa mig undir borðið!

Annars hef ég loksins loksins loksins komist að því hvað það er sem hrjáir mig og hefur gert í áraraðir......it´s called FRESTUNARÁRÁTTA! Ég las það hjá Stulla að einhver menntaskólanemi hefði verið greindur með frestunaráráttu hjá námsráðgjafa skólans!!! Þetta er sko pottþétt mín greining líka - og jesús kristur hvað manni líður vel að vita að að sem er að mér hefur nafn....þá er miklu auðveldara að afsaka sig. "Nei ég er ekki löt ég er með frestunaráráttu"...."ég verð eiginlega að fá að skila ritgerðinni seinna ég þjáist nefninlega af frestunaráráttu" ..jebbs hlýt að geta notað þetta mér til framdráttar á einhvern hátt.

ER að hugsa um að hætta að blogga í dag......veit samt ekki hvað ég á að fara að gera þegar ég er hætt að blogga...klukkan er ekki einu sinni orðin hádegi....aha...gæti farið aftur heim að sofa....þarf allavegana að fara heim að kúka.....finnst nefninlega óþægilegra að kúka í skólanum sko - ég fæ alltaf samviskubit þegar ég geri það - samt aðallega ef að einhver fattar - líður eins og ég hafi gert eitthvað af mér......veit ekki ég er kannski ´líka haldin kúkaáalmenningsklósettumfælni!!

Ég er Erla og ég er Steingeit