Hvað get ég sagt...sumarið er komið......grillmatur og bjór í sólinni á kvöldin......pils og sandalar þægilegasti fatnaðurinn......enginn heimalærdómur.....engar frekari einkunnaáhyggjur......og síðast en ekki síst sandur í hárinu, augunum, milli tánna og á öðrum ótrúlegustu stöðum eftir vinnu----hvílík gleði og hamingja!!! Vildi samt að sandurinn væri af því að ég væri stödd á sólarströnd.....en það eru nú bara saklausir draumórar...sem þó gætu ræst í haust :o)
Annars var ekki svo mikil gleði yfir grillinu hjá mér í gærkvöldi......ég búin snemma í vinnunni...brunaði með sólgleraugun í Bónus og Ríkið.....keypti grillmat og bjór og ætlaði svo sannarlega að hafa það kósí í sólinni.....jújú þetta byrjaði svona vel....en um leið og ég byrjaði að grilla kartöflurnar kom hellirigning......jæja hvað um það ég lét svoleiðis smáræði ekki á mig fá með ískaldan Víking í annarri og ekki svo kaldan í hinni :o) Svo fór kjötið á og ég slappaði af fyrir framan sjónvarpið......og svo virðist sem ég hafi slappað aðeins og mikið á því skyndilega fann ég megna brunalykt af grillinu...hljóp út og opnaði og snökt snökt þarna voru svínasneiðarnar mínar kolsvartar og logandi....já eða það litla sem eftir var af þeim....ég næstum brenndi þær til ösku!!! :o( Þvílík hörmung og vonbrigði.....skyndilega fannst mér bjórinn ekki svo kaldur og var ekki jafn sama um rigninguna - lífið var ömurlegt!!! EN viti menn......sem betur fer hafði ég verið í SVO miklu sumarskapi og SVO svöng að ég hafði keypt annan pakka af grillkjöti :o) svo kvöldið var ekki alveg ónýtt þrátt fyrir gífurleg vonbrigði.....seinna kjötið var passað mun betur og bragðaðist yndislega!!!

Nú hvað skal segja svo..........jú eftir að hafa upplifað náið rokktjútt hjá honum Friðriki Þór kvikmyndaframleiðanda á einu skemmtilegasta djammi síðustu ára (á föstudag) þá vil ég koma að aðvörun til þeirra sem hugsanlega eiga eftir að hitta á hann Frikka á 22 eða annarsstaðar þar sem spilað er rokk..að varast mikið návígi við manninn .....a.m.k. sé hann í miklum ham eins og hjér um kvöldið.......of mikil nálægð gæti orsakað heilahristing...marbletti eða eitthvað þaðan af verra -----

Já eftir einstaklega ágæta Hvítasunnuhelgi hef ég ákveðið að halda norður í land nú um næstu helgi....á vit forfeðranna og föðursins sem er nýkomin af sjúkrahúsi og þarfnast alúðar og umhyggju sinnar traustu dóttur ......hahaha....jámm sko í alvöru!!! Svo er nú ´náttúrulega ekki ólíklegt að Akureyrin verði heimsótt líka takist mér að fá langa helgi!!!

'Eg vil svo að lokum minna á að Kántrýhátíðin verður í sumar....en með breyttu sniði eins og hefur mátt lesa í fréttablaðinu........nú er bara um að gera að dunda sér við að hlusta á svo sem einn kántrýdisk á dag......komast í fílinginn - og mæta á svæðið um versló!!!!